Scheckiwwerreeschung Nationalfeierdag 2019 zu Schëtter

De Schäfferot vun der Schëtter Gemeng huet Freidesdes, den 18 Oktober 2019 op eng Scheckiwwereechung vu jeeweils 1200€ fir «Darkness Into Light asbl», «Wäertvollt Liewen asbl», «Trisomie 21 Lëtzebuerg asbl», «Child Welfare Fund-Fondation Het Kleine Verschil» an «ROJ Lux asbl» invitéiert.

Dësen Don ass vum Erléis vun Nationalfeierdag 2019 wou d’ Bierger aus der Gemeng aus 9 verschidden Länner mat engem kulinareschen Stand vertruede waren a mat hiren Landesspezialitéiten verwinnt hunn. Duerch den Verkaf vun Iessen a Gedrénks fir 1 € ass eng stattlech d’ Zomm gesammelt ginn.

Bei dëser Geleeënheet huet de Buergermeeschter Jean-Paul Jost alle Participantë Merci gesot fir hir aktiv Mataarbecht bei dësen Evenement, dat erëm e groussen Erfolleg war.